عشان تدخل الجامعة محتاج تنجح فى 3 اجزاء

نظام اميركان بيتقسم ل 3 اجزاء..عشان تدخل الجامعة محتاج تنجح فى 3 اجزاء

 

الجزء الاول خاص بالمدرسة و بيمثل 40% من مجموعك و ببساطة بيكون فى مواد اسمها مواد ال GPA و بيبقوا 8 مواد بس مش بنذاكرهم غير ليالى الامتحان عشان هى مواد مش مهمة و فى نوعين من المدارس فى اميركان..مدارش عادية بتبدأ تقريبا من 55k فى السنة او مدارسة home schooling بتبدأ من 40k برضو فى السنة..المدارسة العادية بيكون فيها غياب و حضور و إمتحانات و مذاكرة للمواد دى عشان فى الاخر تاخد شهادة ال GPA بتاعتك و مكتوب فيها 4..اما مدارس ال home schooling مش بيكون فيها كل ده..بتتفق معاهم من الاول انك هتاخد 4 فى ال GPA و مش هتحضر ولا تمتحن ولا اى حاجة من دول..و ده ممكن تحس انه احسن بس مش اوى

لأن اختيار المدرسة بيكون على اساس 4 حاجات

اول حاجة هل عايز تستفيد ولا عايز شهادة بس..بمعنى انك لو عايز مثلا تدخل كلية زى كلية هندسة ف الاحسن انك تختار مدرسة عاديه تستفيد بمذاكرة ماث و فيزيكس و هكذا..يعنى تستفيد بمواد ال GPA عشان ميتعبش فى الكلية

تانى حاجة انها تكون مدرسة اميركان معتمده..و ده بنعرفة من الموقع ده 

لما مثلا مكتب يقول لحضرتك اسم مدرسة..اكتبي اسم المدرسة دى على الموقع ده..و لو لقتيها تبقا معتمده..لو مش معتمده يبقا مش هتلاقيها على الموقع https://home.cognia.org/p/registry

ثالث حاجة و هى انها تكون موجودة على موقع ACT..بما ان حضرتك عايزة امتحان ACT ف لازم المدرسة الى هتدخلها تكون موجوده على الموقع عشان لما شهادة ال GPA تطلع و يكون فيها اسم المدرسة..تكون نفس الاسم الى فى شهادة الامتحان..لأن الامتحان بيطلب منك تحط اسم مدرستك و انت بتدخل بياناتك عشان تحجز الامتحان

رابع حاجة سعرها مناسب لحضرتك ولا لأ

و اخر حاجة فى الجزء الاول الخاص بالمدرسة هو ان فى حاجة اسمها توثيق شهادة المدرسة او شهادة GPA و دى بتدفع مره واحده قبل ما تتخرج و سعرها بيترواح بين 400$ و 800$..كل مدرسة بتطلب رقم معين..ف لازم تسأل قبل ما تسجل نفسك فى اى مدرسة..هى بتاخد كام وقت التوثيق و الافضل انك تشترى الدولارات دى دلوقتى لان ممكن على ما ابن حضرتك يتخرج ..يكون الدولار غلي تانى ف هحضرهم او حضر جزء منهم من دلوقتى عشان التوثيق بيتدفع كاش..

و ده الورق الى انت محتاجه عشان تحول..بيتعمل فى الادارة التعليمية و مدرستك القديمة و فى الادارة التعليمية التابعه لها مدرستك الجديدة

الورق:

1- 2 شهادة ميلاد ✅

2- 2 بيان نجاح 3 اعدادي✅ 

3- 2 بيان نجاح اولى ثانوى✅

4- 2بيان نجاح تانية ثانوى✅

5- 2 تدرج دراسى اولى ثانوى و تانية ثانوى✅

6- اصل شهادة نجاح 3 اعدادى

7- 4 ورقات تحويل من المدرسة مختومين

8- 2 صورة بطاقة الطالب✅

9- 2 صورة بطاقة بابا✅

10- 2 صورة بطاقة ماما✅

11- 8 صور شخصية✅

 

الجزء التانى خاص بالأمتحان..و الجزء ده بسيط..مفيش فيه غير معلومة واحدة بس غريبة و هى ان امتحان ACT منهجه ملوش اى علاقة بمناهج المدرسة..مش بيدرس فى المدرسة و معتمد اعتماد كامل على الدروس..الامتحان بيفتح 7 مرات فى السنة و كل طالب له 5 محاولات فى السنة يعنى فى طلاب grade 11 ليهم 10 محاولات ..و كل طلاب اميركان بيدخلوا نفس الامتحان..يعنى انا فى grade 12 فى تريال شهر 4 كنت قاعد جمب حد grade 11 بيمتحن نفس امتحانى عادى..لو جاب الاسكور الى هو عايزة او الى يدخله الجامعة الى هو عايزها و هو فى grade 11 يبقا جامد جدا و مش محتاج يدخل حاجة تانى..لو بعد الشر مجبش من اول محاولة له و ده طبيعى و بيحصل كتير يبقا هيدخل محاولة تانية و مش بيحتاج يبدا الدروس من الاول..كفاية بس انه ياخد مراجعة مع مدرس شاطر قبل المحاولة 

 

سعر الامتحان 206$

بيتكون من 4 اجزاء

writing: 75 questions in 45 minutes

reading: 40 questions in 35 minutes

Math: 60 questions in 60 minutes

science: 45 questions in 45 minutes

essay: write an essay in 40 minutes 

و  science ده مش chemistry or physics او كده..لأ ده English برضو بس بتكون ال passage عن حاجة scientific ..كل الامتحان choose حتى جزء ال writing بيكون choose هو اسمه كده بس

 

ازاى تحضر او تذاكر عشان تدخل تريال و تجيب سكور يدخلك كلية انت عايزها..ببساطة ابدء كورس basics مع مدرس شاطر و اختار المدرس من على اليوتيوب..يعنى افتح و شوف شرح كل مدرس و شوف انت فهمت من مين و خد معاه درس لكن بلاش تسأل فى الجروبات عشان بيبقا كلها إعلانات

و بعد كورس ال basics بتبدأ كورس advanced و بعد كده تقدر تدخل التريال

و اسعار الكورسات من 100 فى الحصة الى 400 او 500 و الاغلب بيكون 250 او 300 فى الحصة و بتاخد حصتين فى الاسبوع لكل مادة..يعنى اربع حصص تقريبا..بس مده التحضير مش كبيرة بيبقوا شهرين تلاته بس بتدفع فى كل اسبوع الارقام دى و بعدين تدخل المحاولة 

 

الجزء الثالث خاص ب إمتحانات ثانوية عامة و دى إمتحانات ..مطلوب بس تنجح فيها و مش بتضاف للمجموع و بتكون فى اخر سنة قبل ما تتخرج فى نفس مواعيد ثانوية عامة و بتكون (عربى /دين /تربية وطنية) سعرهم 1500 للمادة حسب كلام الوزارة و لكن فى مدارس بتاخد فلوس اكتر و هى بتحجز لك ممكن توصل مبلغ 4500 (1500 لكل مادة) الى 10,000 حجز إمتحانات ثانوية عامة

 

*للحجز والاستفسار من خلال واتساب: 

 *Dr.Ahmed Hassan*  *SAT ACT EST EMSAT AP Calculus* http://wa.me/+201117658521

تابع د/ أحمد حسن على: 

الفيسبوك جروب :

https://web.facebook.com/groups/1890260264629533

جروب تليجرام:

.https://t.me/DrAHMEDHASSANSATMATH

صفحة فيسبوك:

https://www.facebook.com/drahmedhassansatact/

تيك توك:

 https://www.tiktok.com/@drahmedhassansatact

إنستجرام:

https://www.instagram.com/drahmedhassansatact/




Leave a Comment

Your email address will not be published. Required fields are marked *

Shopping Cart
Scroll to Top
Scroll to Top
💬 تواصل معي مباشرة